"ဒိုင်း . . . ဦးတင်အေး" = = = = = = =
“စစ်တပ်က အာဏာမသိမ်းချင်လို့ လွှတ်တော်တွေထဲမှာ ကိုယ်စားလှယ် (၂၅) ရာခိုင်နှုန်းယူထားတာပေါ့”၊ “ပြည်တွင်း မငြိမ်မသက် ဖြစ်ရင် ဆူဆူပူပူဖြစ်ရင်တော့ တပ်မတော်က အာဏာသိမ်းရလိမ့်မယ်”” တဲ့။ အဲဒီစကားတွေက ၂၀၁၄ ခု ဒီဇင်ဘာလ (၁၆)ရက် အနုပညာရှင်တွေနဲ့တွေ့ဆုံပွဲမှာ ဦးတင်အေးပြောဆိုခဲ့တဲ့ စကားတွေပါ။ ဦးတင်အေးဆိုတာ တခြားပုဂ်္ဂိုလ်ဟုတ်ပါရိုးလား။ ကျွန်တော်တို့ ၂၀၁၅ ခု အောက်တိုဘာလကုန် (သို့မဟုတ်) နိုဝင်ဘာလဆန်းမှာကျင်းပမယ့် အထွေထွေရွေးကောက်ပွဲကြီးကို လွတ်လပ်၊ မျှတ၊ သမာသမတ်ကျအောင် ဆောင်ရွက်ပေးမယ့် ကော်မရှင်ဥက္က ဋ္ဌကြီးဖြစ်ပါတယ်။ အဲဒီစကားနဲ့ပတ်သက်ပြီး နိုင်ငံရေးရပ်ဝန်းမှာ ဦးတင်အေးဟာ ကော်မရှင်ဥက္ကဋ္ဌတယောက်အနေနဲ့ မပြောသင့်၊ မပြောထိုက်တဲ့စကားကို ပါးစပ်စည်းမစောင့်ဘဲ ပြောကြားတယ်။ တပ်မတော်ကို ကာကွယ် ပြောတယ်။ တပ်မတော်ကာကွယ်ရေးဦးစီးချုပ်ပြောကြားရမယ့် စကား ကို ပါးစပ်အငှားနဲ့ပြောဆိုတယ်ဆိုပြီး ဝေဖန်နေကြလေရဲ့။ ပွင့်ပွင့်လင်းလင်းနဲ့ ရင်ထဲစကားတွေကို အမှန်အတိုင်းပြောကြား တတ်တဲ့ လွှတ်တော်ကိုယ်စားလှယ် ဦးလှဆွေ။ ဦးလှဆွေဆိုတာတော့ သိကြတယ်မဟုတ်လား။ ငြိမ်းချမ်းရေးနဲ့ပတ်သက်လို့ ““ရွှေလက်နဲ့ခေါ် လို့မလာရင် ဘူးလက်(Bullet ကျည်ဆန်)နဲ့ ခေါ်ရမှာပေါ့” လို့ ပြောခဲ့ တဲ့အတွက် ဘူးလက်လှဆွေလို့ နာမည်တလုံးရရှိခဲ့သူလေ။ သူကတော့ ဦးတင်အေးရဲ့စကားကို “ဟုတ်တယ်လေ၊ ဆူဆူပူပူဖြစ်ရင်တော့ တပ်မတော်က အာဏာသိမ်းမှာပဲ။ တပ်မတော်ကအာဏာမသိမ်းစေချင်ရင် ဆူဆူပူပူမလုပ်ကြနဲ့ပေါ့” တဲ့။ မှတ်သားလောက်ပါပေတယ်။ ဒီမှာ ပြည်သူတယောက်ဖြစ်တဲ့ ကျွန်တော့်အနေနဲ့ပြောရရင်တော့ နိုင်ငံတော် အစိုးရဟာ ကျွန်တော်တို့ကို မွေးရာပါအခွင့်အရေးတွေပေး ရပါလိမ့်မယ်၊ အလေးထားရပါလိမ့်မယ်၊ မတရားသဖြင့် ကျွန်တော်တို့ အပေါ် ပြုမူဆက်ဆံလာရင်တော့ ကျွန်တော်တို့ဟာ ကျွန်တော်တို့ စွမ်း ဆောင်နိုင်တဲ့ ဆန္ဒပြတောင်းဆိုဖော်ထုတ်မှုတွေကို ပြုလုပ်ရပါလိမ့်မယ်။ အဲဒီလို ဆန္ဒပြတောင်းဆိုဖော်ထုတ်မှုတွေကို ဘာကြောင့်ပြုလုပ်နေကြပါသလဲ။ ဘာကြောင့် ဖြစ်ပွားနေရပါသလဲဆိုတာ မလေ့လာ၊ မစူးစမ်း၊ မသုံးသပ်ဘဲ အားအားရှိ ဆူဆူပူပူလုပ်နေကြတာပဲလို့ဆိုရင်တော့ ဦးလှဆွေ ရေ၊ ကာချုပ်ကို မျက်စသာပစ်လိုက်ပေရော့။ ဒါ့ပြင် ကော်မရှင်ဥက္ကဋ္ဌရဲ့စကားကို ကြားလိုက်ရတော့ ဟိုလွန်ခဲ့တဲ့ နှစ်ပေါင်း (၂၅)ကျော်က မြန်မာ့ဆိုရှယ်လစ်ပါတီဥက္ကဋ္ဌကြီး ဦးနေ၀င်းရဲ့ စကားကို ပြန်လည်အမှတ်ရမိပါသေးတယ်။ “စစ်တပ်ဆိုတာပစ်ရင် မိုးပေါ် ထောင်ပစ်မှာ မဟုတ်ဘူး၊ တည့်တည့်ပစ်မှာ၊ နောက်တခါ ဆူဆူပူပူလုပ် ကြရင်တော့ မသက်သာဘူးလို့သာ မှတ်ကြပေတော့” တဲ့။ တကယ်လည်း ရှစ်လေးလုံး အရေးတော်ပုံမှာ စစ်တပ်ဟာ လက်နက်မဲ့ ငြိမ်းချမ်းစွာ ဆန်္ဒထုတ်ဖော်နေကြတဲ့ ပြည်သူတွေကို စစ်မြေပြင်မှာတွေ့တဲ့ ရန်သူတွေ အလား ရက်ရက်စက်စက် ပစ်သတ်ခဲ့တယ်လေ။ ဒါပေမဲ့ ပြည်သူတွေဟာ ရင်နှင့်အမျှ နာကြည်းခံစားနေရလို့ နောက်တွန့်မသွားကြဘူး။ နောက်ဆုံး တော့ ဦးနေ၀င်းတယောက် အာဏာကိုလက်လွှတ်လိုက်ရတော့တယ်။ ပြည်သူတွေ အောင်ပွဲခံနိုင်ကြတယ်။ ဒီမှာ ကျွန်တော့်အနေနဲ့တော့ ဦးတင်အေးဟာ ကော်မရှင်ဥက္ကဋ္ဌ ဖြစ်ထိုက်ပါရဲ့လားဆိုတာ ၂၀၀၈ ခု ဖွဲ့စည်းပုံအခြေခံဥပဒေနဲ့ တိုက်ဆိုင် ကြည့်မိတယ်။ ၂၀၀၈ ခု ဖွဲ့စည်းပုံ အခြေခံဥပဒေရဲ့ အခန်း (၉) ရွေး ကောက်တင်မြှောက်ခြင်းမှာ ပြည်ထောင်စုရွေးကောက်ပွဲကော်မရှင် ဖွဲ့စည်း ခြင်းဆိုတဲ့ ပုဒ်မ ၃၉၈ (ခ)မှာ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌနှင့် အဖွဲ့ဝင်များသည်ဆိုပြီး ပြည်ထောင်စုရွေးကောက်ပွဲကော်မရှင် ဥက္ကဋ္ဌနဲ့ အဖွဲ့ဝင်တွေရှိရမယ့် အရည်အချင်းတွေကို ဖော်ပြထားတယ်။ အဲဒါတွေကတော့- (၁) အသက် (၅၀)ပြည့်ပြီးသူ ဖြစ်ရမည်။ (၂) အသက်ကန့်သတ်ချက်မှအပ ပြည်သူ့လွှတ်တော်ကိုယ်စား လှယ်များအတွက် သတ်မှတ်ထားသည့် အရည်အချင်းများနှင့် ပြည့်စုံသူဖြစ်ရမည်။ (၃) (ကက) ပြည်ထောင်စုတရားသူကြီးချုပ်သို့မဟုတ် ပြည်ထောင်စု တရားလွှတ်တော်ချုပ်တရားသူကြီးအဖြစ် ဖြစ်စေ၊ တိုင်းဒေသကြီးသို့မဟုတ် ပြည်နယ်တရားလွှတ်တော်တရား သူကြီးအဖြစ်ဖြစ်စေ၊ အလားတူရာထူးတာဝန်တခုခုတွင်ဖြစ်စေ အနည်းဆုံး ငါးနှစ်ဆောင်ရွက်ခဲ့သူဖြစ်ရမည်။ သို့မဟုတ် (ခခ) တိုင်းဒေသကြီး သို့မဟုတ် ပြည်နယ်အဆင့်မနိမ့်သော တရားရေးအရာရှိ သို့မဟုတ် ဥပဒေအရာရှိရာထူးတွင် အနည်းဆုံး ၁၀ နှစ်တာဝန်ထမ်းဆောင်ခဲ့သူဖြစ်ရမည်။ သို့မဟုတ် (ဂဂ) တရားလွှတ်တော်ရှေ့နေအဖြစ် အနည်းဆုံးနှစ်(၂၀)အမှု လိုက်ပါဆောင်ရွက်ခဲ့သူဖြစ်ရမည်။ သို့မဟုတ်(ဃဃ) ထင် ပေါ်ကျော်ကြားသည့် ဂုဏ်သတင်းရှိသော ပုဂ်္ဂိုလ်အဖြစ် နိုင်ငံတော်သမ္မတက ယူဆသူဖြစ်ရမည်။ (၄) သိက္ခာသမာဓိနှင့်ပြည့်စုံပြီး အတွေ့အကြုံ ရင့်ကျက်သူဖြစ် ရမည်။ (၅) ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင် မြှောက်ခံပိုင်ခွင့်မရှိစေသော ပြဋ္ဌာန်းချက်များနှင့် ငြိစွန်းခြင်း မရှိသူဖြစ်ရမည်။ (၆) နိုင်ငံတော်နှင့် နိုင်ငံသားများအပေါ် သစ္စာရှိသူ ဖြစ်ရမည်။ (၇) နိုင်ငံရေးပါတီဝင် မဟုတ်သူ ဖြစ်ရမည်။ (၈) လွှတ်တော်ကိုယ်စားလှယ် မဟုတ်သူ ဖြစ်ရမည်။ (၉) လစာ၊ စရိတ်၊ ငွေကြေးရသော အခြားမည်သည့်ရာထူးကိုမျှ လက်ခံခြင်းမပြုသူ ဖြစ်ရမည်လို့ ဖော်ပြထားတာတွေ့ကြရ တယ်။ ဒီမှာ ဦးတင်အေးအကြောင်းကို ကျွန်တော် သိရှိရသလောက် ပြောရရင်တော့ သူကစစ်တက္ကသိုလ် အပတ်စဉ်(၉)ကျောင်းဆင်းတယောက်ပါ။ ၁၉၉၄ ခုနှစ်လောက်မှာ တနင်္သာရီတိုင်းမှာ အသစ်ဖွင့်လှစ် တဲ့ ဒေသကွပ်ကဲမှု စစ်ဌာနချုပ်ဗိုလ်မှူးချုပ်တာဝန်ယူခဲ့တယ်။ နောက် တောင်ပိုင်းတိုင်းစစ်ဌာနချုပ် တိုင်းမှူးဖြစ်ခဲ့တယ်။ ဒုဗိုလ်ချုပ်ကြီးအဆင့်ထိ ရောက်ရှိခဲ့တယ်။ စစ်တပ်အတွင်းမှာ ဗိုလ်ချုပ်မှူးကြီးသန်းရွှေရဲ့ လူယုံတဦး ဖြစ်တယ်လို့လူသိများတယ်။ လက်ရှိသမ္မတဦးသိန်းစိန်နဲ့လည်း နီးစပ် ရင်းနှီးလှပါတယ်။ (အဲဒါနဲ့ပတ်သက်လို့ ထောက်ပြကြလို့ ဦးတင်အေးက လူချင်းရင်းနှီးမှုနဲ့ ဘက်လိုက်မှုဟာ သီးခြားစီပါလို့ဖြေရှင်းခဲ့ဖူးတယ်) သူ ဟာ နအဖလက်ထက်မှာ အဆင့်(၆)ခေါင်းဆောင်လို့သတ်မှတ်ခံရတယ်။ ၂၀၁၀ပြည့် ရွေးကောက်ပွဲမှာတော့ စစ်တပ်ကနေ အရပ်ဖက်ပြောင်းပြီး ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီ ကိုယ်စားပြု မန္တလေးတိုင်း တံတားဦးမြို့နယ် ပြည်သူ့လွှတ်တော်ကိုယ်စားလှယ်အဖြစ် ရွေးချယ်ခံခဲ့ရတယ်။ ဒါပြင် ၂၀၁၃ ခု သြ ဂုတ်လထိ စစ်တပ်စီးပွားရေး အကောင် အထည်ဖော်ပေးရတဲ့ မြန်မာ့စီးပွားရေး ဦးပိုင်လီမိတက်မှာ ဥက္ကဋ္ဌအဖြစ် ဆောင် ရွက်ခဲ့တယ်။ အဲဒါက ကျွန်တော်သိရှိထားတဲ့ ဦးတင်အေးအကြောင်း။ အဲဒီမှာ ကျွန်တော်ထုတ်နုတ်ပြခဲ့တဲ့ ၂၀၀၈ခု ဖွဲ့စည်းပုံ အခြေခံဥပဒေပါပြည်ထောင်စုရွေးကောက် ပွဲကော်မရှင်ဥက္ကဋ္ဌနဲ့ဦးတင်အေး ကိုက်ညီ၊ မကိုက်ညီ ညှိနှိုင်းကြည့်ရအောင်ပါ။ အမှတ်စဉ် (၁)နဲ့ (၂)က ကိုက်ညီ တယ် ထားကြစို့။ အမှတ်စဉ် (၃) (ကက)၊ (ခခ)၊ (ဂဂ)နဲ့တော့ မကိုက်ညီဘူး။ (ဃဃ) နဲ့တော့ ကိုက်ညီလိမ့်မယ်လို့ ယူဆရပါတယ်။ ဂုဏ်သတင်းရှိတဲ့ ထင်ပေါ်ကျော် ကြားမှုဆိုတာကိုတော့ စဉ်းစားခွင့်ပြုပါဦး။ အမှတ် (၄) အတွေ့အကြုံရင့်ကျက်သူ ဖြစ်ပြီ ပေါ့။ အသက်က (၇၀)ကျော်ပြီမှကိုး။ သိက္ခာ သမာဓိနဲ့ပြည့်စုံသူဆိုတာကတော့ ဦးတင် အေးကိုယ်တိုင်မှပဲ သိရှိပါလိမ့်မယ်။ အမှတ် (၅)နဲ့ ကိုက်ညီနိုင်ပါတယ်။ အမှတ်(၆)ကတော့ ၂၀၁၅ ခု ရွေးကောက် ပွဲက သက်သေခံပါလိမ့်မယ်။ အမှတ် (၇)က ဦးတင်အေးက ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီရဲ့ အလုပ်အမှုဆောင် မဟုတ်ပါလား။ (လက်ရှိသမ္မတ ဦးသိန်းစိန်သည်ပင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက်္ကဋ္ဌဖြစ်၏၊ မဖြစ်၏၊ အငြင်းပွားကြဆဲလေ) အမှတ်(ဂ)က ဦးတင်အေး ဟာ မန္တလေးတိုင်း တံတားဦးမြို့နယ် ပြည်သူ့လွှတ်တော်ကိုယ်စားလှယ်လို့ ကျွန်တော်တို့သိရှိထားတာနော်။ (နုတ်ထွက်ပြီးပြီကွ ဆိုရင်တော့ လေ့လာမှုအားနည်းတဲ့ ကျွန်တော့်ကိုခွင့်လွှတ်ပါ) အမှတ်(၉)ကတော့ ကိုက်ညီနိုင်ပါတယ်။ ဘာပဲဖြစ်ဖြစ် ၂၀၁၄ ခု နှစ်ကုန်ပိုင်းမှာ ကျင်းပဖို့ရှိတဲ့ ကြားဖြတ်ရွေးကောက်ပွဲကို လွှတ်တော်သက်တမ်းတိုးတောင်းလို့၊ အတိုက်အခံတွေ အားလုံး အနိုင်ရဦးတော့ လက်ရှိအာဏာရပါတီရဲ့ အင်အားကိုမကျော်လွန် နိုင်လို့၊ နိုင်ငံတော်ဘဏ္ဍာငွေတွေ ကုန်ကျမှာမို့ဆိုတဲ့ အမြော်အမြင်ရှိမှု၊ စေတနာထားမှုတွေကြောင့် မကျင်းပခဲ့ရှာပါဘူး။ ဥက်္ကဋ္ဌကြီးကို လေးစား ကျေးဇူးတင်ရပါသေးတယ်။ တခါ ၂၀၁၂ ခု ကြားဖြတ်ရွေးကောက်ပွဲမှာ NLD အပြတ်အသတ် အနိုင်ရရှိခဲ့လို့ ရွေးကောက်ပွဲဟာ တရားမျှတမှု မရှိဘူးလို့ စွပ်စွဲခံခဲ့ရသေးတယ်။ ဥက္ကဋ္ဌကြီးကိုယ်တိုင်ပြောခဲ့တာပဲလေ။ အခုလာမယ့် ၂၀၁၅ ခု ရွေးကောက်ပွဲကို တရားမျှတမှု အရှိဆုံး ဖြစ်အောင် ကျင်းပသွားမယ်။ နိုင်ငံတကာ စောင့်ကြည့်လေ့လာရေးအဖွဲ့တွေကိုလည်း လာရောက်ခွင့်ပြုမယ်။ ဒီအချက်တွေကတော့ ဥက္ကဋ္ဌကြီးကို (တကယ်ပြောတာပါ) လေးစားကြည်ညိုမိပါရဲ့။ ဒါပေမဲ့ စစ်တပ်က အာဏာမသိမ်းချင်လို့ (၂၅)ရာခိုင်နှုန်းယူထားတာပေါ့ဆိုတဲ့ စကားရပ်ရယ်၊ (ခုလည်း (၇၅)ရာခိုင်နှုန်းကျော်မှ ဖွဲ့စည်းပုံ အခြေခံဥပဒေပြင်ဆင်လို့ရမယ်ဆိုတဲ့ ပြဋ္ဌာန်းချက်ကိုက စစ်တပ်က အာဏာသိမ်းထားတာနဲ့ တူမနေဘူးလား) ဆူဆူပူပူဖြစ်ရင် စစ်တပ်က အာဏာသိမ်းမယ်ဆိုတဲ့စကားရပ်တွေက ဥက္ကဋ္ဌကြီးကို “ဒိုင်”အဖြစ်ကနေ “ဒိုင်း”လို့ဖြစ်သွားစေတာကတော့ စိတ်မကောင်းစရာပေပါပဲ။ “ဒိုင်”ဆိုတာက သမာသမတ်ကျပြီး ဘက်မလိုက်သူလို့ အဓိပ်္ပာယ် ရတယ်။ “ဒိုင်း”ဆိုတာက ကျွန်တော်တို့ ငယ်စဉ်က စစ်တိုက်တမ်းကစား ကြရင် သေနတ်ပစ်သံကို “ဒိုင်း”လို့ အသံထွက်ကြတယ်။ အခု ကျွန်တော် တို့ အသိုင်းအ၀န်းမှာ ဥက္ကဋ္ဌကြီးကို “ဒိုင် ဦးတင်အေး”ကနေ ပါးစပ်သေနတ် ပစ်လိုက်တော့ “ဒိုင်း ဦးတင်အေး”လို့ ဘွဲ့ထူးပေးထားကြလေရဲ့။ ကိုလေးမြတ် 
