ဖားကန့်မြို့နယ်တွင် ဘိန်းဖြူ ၁၀၈ ဂရမ် ဖမ်းဆီးရမိ
နိုဝင်ဘာ ၂၂ ရက်က ဖားကန့်မြို့နယ်၊ လုံးခင်းနယ်မြေရဲစခန်း မှ တပ်ဖွဲ့ဝင်များသည် ဖားကန့်မြို့နယ်၊ လုံးခင်းကျေးရွာအုပ်စု၊ တောမှော်ကျေးရွာ၊ ရွာအဝင်တွင် ကုဋေ ကျေးရွာဘက်မှ တောမှော်ကျေးရွာဘက်သို့ သန်းဇော် မောင်းနှင်ပြီး ထွန်းနိုင် လိုက်ပါလာသည့် ဆိုင်ကယ်အား ရှာဖွေရာ ၎င်းတို့ ၂ ဦးကြားတွင် ညှပ်၍ တင်ဆောင်လာသည့် အနီရောင်စောင်အိတ်အတွင်း မှ ဘိန်းဖြူ ဆပ်ပြာခွက် ၈ ခွက် ၊ အလေးချိန် ၁၀၄ ဂရမ် သိမ်းဆည်းရမိခဲ့ပြီး စစ်ဆေးချက်အရ ဖားကန့်မြို့နယ်၊ ကုဋေ ကျေးရွာ၊ မြေစာပုံကျူးကျော်တဲနေ မအေးမို့မို့ဖြိုး ၏နေအိမ်ကို ရှာဖွေရာ ၎င်းအား နေအိမ်တွင်အသင့်တွေ့ရှိရပြီး တဲအရှေ့တိုင်ခြေရင်းမြေကြီးအတွင်းမှ ရေသန့်ဗူးဖြင့်ထည့်လျက် ဘိန်းဖြူအလေးချိန် ၄ ဂရမ် ထပ်မံသိမ်းဆည်းရမိသဖြင့် သန်းဇော် (၃၂ နှစ်)၊ ထွန်းနိုင် (၂၉ နှစ်)နှင့် မအေးမို့မို့ဖြိုး(၂၆ နှစ်)တို့ (၃) ဦးအပေါ် မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သတင်းရရှိသည်။

No comments:
Post a Comment